Óþarfa tap gegn Skotum

Skotar lögðu Ísland, 2-1, á Hampden Park í kvöld. Ross McCormack og Steven Fletcher skoruðu fyrir Skota en Indriði Sigurðsson skoraði mark Íslands.

Íslenska liðið olli vonbrigðum í þessum leik. Það var ekki sami kraftur og leikgleði í liðinu nú og í síðustu leikjum. Mætti í raun tala um afturhvarf til fortíðar í þeim efnum.

Íslenska liðið var allt of varkárt og hefði að ósekju mátt taka meiri áhættur gegn slöku liði Skota. Íslenska liðið var enn slakara.

Flott pressa undir lokin þar sem Ísland fékk tækifæri en fyrir algjöran klaufaskap tókst strákunum ekki að skora.

Það var frábært tækifæri hjá íslenska liðinu að gera eitthvað í kvöld en það var engu líkara en liðið hefði farið á taugum.