Fótbolti

Guðrún Sóley með nýtt eftirnafn á heimasíðu Djurgården

Óskar Ófeigur Jónsson skrifar
Guðrún Sóley Gunnarsdóttir í leik með KR-liðinu.
Guðrún Sóley Gunnarsdóttir í leik með KR-liðinu. Mynd/Stefán

Guðrún Sóley Gunnarsdóttir er í byrjunarliði Djurgården á móti Stattena í sænsku úrvalsdeildinni en samkvæmt frétt á heimasíðu félagsins fyrir leikinn var hún ekki í hópnum sem heimsótti Helsingborg.

Þegar betur var að gáð þá var Guðrún Sóley skráð til leiks undir nafninu Gudrun Hellenberg en ekki undir sínu rétta nafni.

Það er ekki vitað að Guðrún Sóley hafi gift sig þann stutta tíma sem hún hefur verið úti í Svíþjóð og væntanlega er þó aðeins um mistök að ræða hjá síðuhöldurum heimasíðu Djurgården.

Guðbjörg Gunnarsdóttir er líka í byrjunarliðinu hjá Djurgården í þessum leik sem hófst klukkan 16.30 að íslenskum tíma.






Fleiri fréttir

Sjá meira


×