Vandræðin hrannast upp hjá Skotum

Það á ekki af skoska landsliðinu í knattspyrnu að ganga. Liðið hefur verið að missa fjölda manna í meiðsli og nú síðast var það varnarmaður Celtic, Stephen McManus, sem meiddist.

Hann er fimmti leikmaðurinn sem kemst á meiðslalista Skotanna en þar eru fyrir Paul Hartley, David Weir, Kirk Broadfoot og Kris Commons.

McManus mun ekki spila gegn Hollendingum um helgina en Skotarnir vonast til þess að hann verði búinn að ná sér fyrir leikinn gegn Íslendingum sem fram fer næstkomandi miðvikudag.