Adebayor tryggði Tógó sigur

Emmanuel Adebayor var í byrjunarliði Tógó og skoraði eina mark leiks liðsins gegn Kamerún í undankeppni HM 2010 í dag.

Adebayor hefur átt við meiðsli að stríða og ekki spilað með Arsenal í ensku úrvalsdeildinni síðustu vikurnar af þeim sökum.

Hann sagði hins vegar fyrir leikinn í dag að hann væri búinn að ná fullri heilsu. Hann lék allan leikinn í dag en markið kom á elleftu mínútu.

Þetta var fyrsti leikurinn í 1. riðli undankeppninnar í Afríku.

Úrslit annarra leikja:

Kenía - Túnis 1-2

Rúanda - Alsír 0-0

Súdan - Mali 1-1

Burkina Faso - Gínea 4-2