Sampras: Federer er einfaldlega sá besti

Tennisgoðsögnin Pete Sampras varð að sætta sig við að Svisslendingurinn Roger Federer bætti met hans með því að vinna sinn fimmtánda stórtitil á ferlinum á Wimbledon mótinu um helgina.

Bandaríkjamaðurinn Sampras vann fjórtán stórtitla á sínum tíma en er fljótur að hylla nýja methafann.

„Í minni bók er hann einfaldlega sá besti. Hann er búinn að vinna fimmtán stórtitla og á eftir að vinna nokkra í viðbót. Ég er sannfærður um það. Hann er er þegar orðin goðsögn í tennisheiminum," segir Sampras.