Fótbolti

Bent valinn í landsliðið

Eiríkur Stefán Ásgeirsson skrifar
Darren Bent í leik með Tottenham.
Darren Bent í leik með Tottenham. Nordic Photos / Getty Images
Darren Bent hefur verið kallaður í enska landsliðshópinn þar sem útilokað er að Carlton Cole geti spilað með í leiknum gegn Úkraínu á miðvikudaginn.

Cole meiddist í 4-0 sigri Englendinga á Slóvakíu í dag skömmu eftir að hafa komið inn á sem varamaður fyrir Emile Heskey.

Peter Crouch kom svo inn á fyrir Cole en bæði Crouch og Heskey eru sagðir tæpir fyrir leikinn á miðvikudaginn.

Þar með er ljóst að Capello heldur enn Michael Owen í kuldanum.

„Michael Owen spilaði í 20 mínútur í síðasta leik. Það er ekki nóg," sagði Fabio Capello landsliðsþjálfari Englendinga eftir leik í dag.

„Carlton Cole getur ekki spilað á miðvikudaginn. Ég held að Crouch verði í lagi en Heskey þarf að fara í myndatöku á morgun."




Fleiri fréttir

Sjá meira


×