Aðskilnaðarsinnar taldir bera ábyrgð á slysinu

Grunur leikur á að aðskilnaðarsinnar frá Téténíu séu ábyrgir fyrir lestarslysinu í Rússlandi í gærkvöldi. Að minnsta kosti þrjátíu fórust í slysinu og um eitt hundrað slösuðust.

Fréttastofa BBC greindi frá því fyrr í dag að yfirmaður rússnesku ríkisjárnbrautanna segir frumrannsókn leiða líkur að því að hryðjuverkamenn hafi verið að verki. Sjónvarvottar halda því fram að sést hafi til tveggja manna sem tengjast aðskilnaðarhreyfingu Téténa hafi sést við brautarteinanna auk þess sem sprengigígur sé við slysstað.

Slysið varð þegar lest sem var á leið frá Moskvu til Pétursborgar fór af sporinu en vitni greina frá því að rétt áður en það gerðist hafi hár hvellur heyrst. Um 660 manns voru í lestinni.

Á sömu leið hefur fjöldi hryðjuverka verið framið frá árinu 1991 sem herskáir Téténar eru taldir ábyrgir fyrir.