Lambhaga veitt viðurkenning frá hverfisráði

Á fundi hverfisráðs Grafarholts og Úlfarsárdals þann 15. júní var samþykkt að veita Gróðrarstöðinni Lambhaga viðurkenningu fyrir snyrtilegt nærumhverfi og góða þjónustu. Fimmtudaginn 16. júlí sótti formaður hverfisráðs, Óttarr Guðlaugsson húsbændur í Lambhaga heim en gróðrarstöðin er staðsett vestast í Úlfarsárdalnum.

Gróðrarstöðin Lambhagi hélt upp á þrjátíu ára starfsafmæli þann 21. júní s.l. og segja eigendur að framtíðin sé björt í þeirra rekstri og ýmsar nýjungar í undirbúningi jafnframt því sem fyrirhugað er að bæta við fleiri gróðurhúsum.