Morrison stóðst pressuna í treyju Fergusons

James Morrison, leikmaður West Brom, komst vel frá sínu í leik Skotlands og Íslands í fyrrakvöld sem fyrrnefnda liðið vann, 2-1. Morrison kom inn í byrjunarliðið eftir að ljóst varð að Barry Ferguson yrði ekki í liðinu vegna agabrots. Hann fékk líka treyju hans Ferguson með númerinu sex á bakinu.

„Það var verið að grínast með það í klefanum fyrir leik hvort ég gæti fyllt út í treyjuna hans," sagði Morrison eftir leikinn í fyrrakvöld. „Ég tel að það hafi verið gerðar miklar kröfur til ín enda er Barry leikmaður í hæsta gæðaflokki. Það voru vissulega gerð mistök en við verðum að halda ótrauðir áfram."

Hann sagði að íslenska liðið hafi verið gott í leiknum. „Það verður að hæla þeim fyrir það að þeir gerðu þetta mjög erfitt fyrir okkur."