Jóhannes Karl ráðinn þjálfari Breiðabliks

Knattspyrnudeild Breiðabliks hefur sent frá sér fréttatilkynningu þar sem fram kemur að Jóhannes Karl Sigursteinsson hafi verið ráðinn aðalþjálfari meistaraflokks kvenna.

Jóhannes Karl skrifar undir tveggja ára samning við Breiðablik en hann var áður aðstoðarþjálfari hjá bæði Vöndu Sigurgeirsdóttur og Gary Wake.

Breiðablik endaði í öðru sæti Pepsi-deildar kvenna í sumar og komst í úrslitaleik VISA-bikarsins þar sem liðið tapaði sem kunnugt er fyrir Val í framlengdum leik.