Sjálfsagi lykillinn að árangri

John Terry, landsliðsfyriliði Englands, segir að sjálfsagi leikmanna sé lykillinn að árangri með enska landsliðinu sem mætir Slóvakíu í vináttulandsleik á morgun.

„Sjálfsagi er lykillinn. Við verðum að halda ró okkar," sagði Terry. „Sumir leikmenn eru ástríðufyllri en aðrir. Ef það á að taka þann eiginleika frá þeim verða þeir ekki sömu mennirnir."

Fabio Capello landsliðsþjálfari gagnrýndi í vikunni Wayne Rooney fyrir rauða spjaldið sem hann fékk í leik Manchester United og Fulham og háttsemi hans eftir það.

„Við reynum að tala saman á meðan leikjunum stendur og hjálpa hvorum öðrum - ef við sjáum að einhver er á suðupunkti," bætti Terry við.