Capello: Við erum að fara spila við Úkraínu en ekki við söguna

Það varð nokkuð fjaðrafok í ensku miðlunum í dag þegar ljóst var að Fabio Capello, landsliðsþjálfari Englands, ætlaði ekki að kalla á Michael Owen í framherjavandræðum sínum en England mætir Úkraínu á miðvikudagskvöldið.

Þrír framherjar, Emile Heskey, Peter Crouch og Carlton Cole, fóru meiddir af velli í æfingalandsleiknum við Slóvakíu um helgina og það er öruggt að Emilie Heskey getur ekki tekið þátt í leiknum við Úkraínu.

Í stað þess að velja Michael Owen valdi Capello frekar Darren Bent hjá Tottenham í staðinn fyrir Heskey. Michael Owen hefur skorað 40 mörk í 89 landsleikjum og á smá möguleika á því að bæta markamet Bobby Charlton sem er 49 mörk.

„Ég þarf að velja leikmenn til þess að spila á móti Úkraínu en ekki leikmenn sem eru að keppa við söguna," sagði Capello og rökstuddi val sitt enn frekar.

„Það er ekki hægt að velja leikmann sme hefur bara spilað í 20 mínútur," sagði Capello en Owen lék aðeins í 20 mínútur í síðasta leik Newcastle sem var á móti Hull.

Owen hefur glímt við ökklameiðsli upp á síðkastið en hann hefrr verið meira eða meiddur síðustu árin.