Fótbolti

Hafa ekki tapað heimaleik í HM í tæp 52 ár

Óskar Ófeigur Jónsson skrifar
Rússneska landsliðið í fótbolta.
Rússneska landsliðið í fótbolta. Mynd/AFP

Rússar unnu um helgina 2-0 sigur á Aserbaídjan í Moskvu í undankeppni HM 2010 og náði því einstökum árangri því þetta var 50. heimaleikurinn í röð sem Sovétmenn eða Rússar spila í undankeppni HM án þess að tapa.

Sovétmenn lék sinn fyrsta heimaleik í undankeppni HM árið 1957 þegar liðið vann 3-0 sigur á Póllandi. Frá þeim tíma hefur liðið unnið 42 leiki og gert 8 jafntefli

Íslenska landsliðið hefur reyndar náð ágætis úrslitum út úr síðustu útileikjum sínum á móti Rússum/Sovétmönnum og tvö af þessum átta jafnteflum hafa einmitt komið á móti Íslandi.

Ísland hefur gert 1-1 jafntefli í síðustu tveimur leikjum (31. maí 1989 og 2. júní 1993) en íslenska landsliðið tapaði reyndar fyrsta leiknum, 0-5, 15. október 1980.

Tvær aðrar þjóðir hafa heldur ekki tapað heimaleik í undankeppni heimsmeistarakeppninnar en það eru Spánverjar (43 leikir) og Ítalir (41 leikur).








Fleiri fréttir

Sjá meira


×