Fjórir leikvangar á eftir áætlun

Fjögur af tíu knattspyrnumannvirkjum sem notuð verða á HM 2010 í knattspyrnu eru á eftir áætlun í undirbúningi fyrir mótið. Talsmenn FIFA fullyrða þó að þau verði tilbúinn í tæka tíð.

FIFA viðurkenndi í dag að fjórir vellir, Ellis Park í Jóhannesarborg, Free State Stadium í Bloemfontein, Loftus Versfeld í Pretoria og Royal Bafokeng Sports höllin við Rustenburg væru á eftir áætlun - en þessir vellir áttu að vera klárir nú um áramótin. Ólíklegt er talið að það takmark náist.

Þessir fjórir sparkvellir eru á meðal þeirra fimm sem verið er að endurnýja, en hinir fimm vellirnir sem notaðir verða á HM verða reistir frá grunni. Þeir eiga að vera klárir í desember á næsta ári.

Talsmaður FIFA sagði á blaðamannafundi í dag að mestu máli skipti að vellirnir yrðu tilbúnir áður en flautað yrði til leiks á HM og á því lægi enginn vafi.