Gleymdi Stradivarius í leigubíl

Fiðluleikarinn Philippe Quint á leigubílstjóra einum í New York mikið að þakka. Hljóðfæraleikarinn gleymdi nefnilega fiðlunni sinni í aftursæti bílsins.

Fiðlan var engin japönsk fjöldaframleiðsla heldur alvöru Strdivarius sem var smíðuð árið 1723 og er metin á tæplega þrjú hundruð milljónir króna. Leigubílstjórinn, sem er frá Egyptalandi, hafði ekki hugmynd um hverslags gripur var á ferðinni en hann hikaði ekki við að koma sér í samband við Phillipe og skila hljjóðfærinu.

Að launum hlaut hann hundrað dollara, tæpar átta þúsund krónur, auk þess sem Quint hélt sérstakan konsert fyrir bílstjórann og fjölskyldu hans.