Langhlauparinn Haile Gebrselassie segist ekki ætla að keppa í maraþonhlaupinu á Ólympíuleikunum í Peking vegna loftmengunar í borginni.
Eþíópíumaðurinn er asmaveikur og gat t.a.m. ekki tekið þátt í Lundúnamaraþoninu í fyrra af þeim ástæðum. Hann segir loftmengun í Peking of mikla til að hann geti þolað að hlaupa maraþon í borginni, en ætlar þess í stað að taka þátt í 10,000 metra hlaupi á leikunum.
Gebrselassi er heimsmethafi í maraþonhlaupi.
