R Kelly sýknaður í barnaklámsmáli

Kviðdómur í Chicago sýknaði í dag söngvarann R Kelly af ákærum um að hafa framleitt barnaklám.

Honum var gefið að sök að hafa gert myndband sem sýndi hann hafa samfarir við 13 ára stúlku.

R Kelly og hið meinta fórnarlamb neituðu því að hafa verið á myndbandinu sem sýnt var við réttarhöldin. Stúlkan á myndbandinu er 21 árs í dag en hún bar ekki vitni við réttarhöldin. Hún hefur lengi verið skjólstæðingur Kelly og faðir hennar hefur einnig starfað fyrir hann sem tónlistarmaður.

Saksóknari sagði að stúlkan væri að halda hlífiskildi yfir söngvaranum og gaf í skyn að hún hefði fengið borgað fyrir framburð sinn.

Ef Kelly hefði verið dæmdur sekur hefði beðið hans allt að 15 ára fangelsi.

Hann var fyrst handekinn vegna málsins árið 2002 eftir að myndbandinu var lekið til dagblaðs í Chicago.

Kelly er margverlaunaður tónlistarmaður en hann hefur haft hægt um sig undanfarin ár vegna málsins.