Benitez hefur trú á sínum mönnum

Rafa Benitez hefur trú á því að hans menn í Liverpool hafi það sem til þarf til að slá Arsenal út í 8-liða úrslitum Meistaradeildarinnar í næsta mánuði.

Liðin munu spila þrjá leiki á viku því þau mætast í úrvalsdeildinni í leiknum inn á milli. Benitez er bjartsýnn á möguleika sinna manna.

"Við áttum von á erfiðum andstæðingi hvort sem það yrði enskt lið eða eitthvað annað . Arsenal er frábært lið sem situr á toppi úrvalsdeildarinnar og við þurfum að mæta þeim þrisvar á nokkrum dögum, svo það verður ekki auðvelt," sagði Benitez, en vildi ekki tjá sig um möguleikann á því að mæta Chelsea í undanúrslitum ef hans menn færu áfram.

"Við erum á ágætu skriði núna þar þar sem við erum að vinna leiki og skora mörk. Við slógum út toppliðið á Ítalíu og það er gott sjálfstraust í hópnum," sagði Benitez í samtali við Sky í dag.