Breytingum á unglingasmiðjum frestað

Fyrirhuguðum breytingum á starfsemi unglingasmiðjanna Traðar í Keilufelli og Stígus á Amtmannstíg sem ráðgert var að tækju gildi um áramótin verður frestað verði frumvarp að fjárhagsáætlun Reykjavíkurborgar sem lagt var fram í dag samþykkt. Samkvæmt frumvarpinu verður starfsemi þeirra endurskoðuð en hún mun haldast óbreytt á fyrri hluta næsta árs.

Á fundi velferðarsviðs Reykjavíkurborgar nýverið voru lagður til verulegur breytingar og sparnaður í unglingasmiðjum. Fulltrúar minnihlutans töldu að tillögurnar myndu leiða til þess að þeir unglingar, sem á hverjum tíma hafa haft þörf fyrir og fengið þjónustu í unglingasmiðjunum, myndu ekki fá þjónustu við hæfi.

Vilja endurskoðun byggða á kjörorðunum ,,ekkert um okkur án okkar"

Að mati Þorleifs Gunnlaugssonar, borgarfulltrúa Vinstri grænna, er ánægjulegt að fyrirhugaðar breytingar skuli ekki koma til framkvæmda um áramót eins og meirihluti velferðarráðs hafði ákveðið og að jafnframt verði aukið fjármagn lagt til úrræðisins.

Þorleifur segir að borgarstjórnarflokkur VG voni að í þeirri endurskoðun sem fram mun fara verði haft fullt samráð við notendur, aðstandendur og starfsfólk í anda kjörorðsins ,,ekkert um okkur án okkar."