Össur Skarphéðinsson, iðnaðarráðherra lýsti því yfir á borgarafundinum í kvöld að hann myndi vilja sjá Þorvald Gylfason á stóli seðlabankastjóra. Fjölmargar spurningar komu fram á fundinum og stakk einn fundargesturinn upp á því að valinkunnir menn tækju að sér stjórn landsins uns unnt verði að kjósa síðar. Hann stakk meðal annars upp á Þorvaldi, sem var á meðal frummælanda, til þess að skipa ráðherraliðið.