Barry snýr aftur til æfinga á morgun

Gareth Barry mun snúa aftur til æfinga hjá Aston Villa á morgun samkvæmt upplýsingum frá félaginu. Barry hafði áður fengið þá skipun að mæta ekki aftur til félagsins eftir að hafa gagnrýnt Martin O'Neill í viðtali.

Barry er ósáttur í herbúðum Aston Villa og vill ganga til liðs við Liverpool sem hefur mikinn áhuga á að fá hann í sínar raðir.

Aston Villa mætir Odense frá Danmörku á laugardaginn í Intertoto-keppninni en ólíklegt er að Barry komi við sögu þar.