Ótrúlegt klúður Iwelumo gegn Norðmönnum (myndband)

Framherjinn Chris Iwelumo spilaði sinn fyrsta landsleik fyrir Skota á laugardaginn þegar liðið gerði markalaust jafntefli við Skota á laugardaginn.

Iwelumo, sem er þrítugur og hefur verið í miklu stuði með Wolves í haust, kom inn sem varamaður í leiknum og klúðraði algjöru dauðafæri sem hefði geta tryggt Skotum sigurinn.

Norðmenn áttu reyndar sín færi í leiknum og hefðu með smá heppni geta stolið sigrinum, en það var án efa Iwelumo sem átti tilþrif leiksins þegar hann náði að moka boltanum framhja fyrir opnu marki.

Smelltu hér til að sjá myndband af "tilþrifum" Iwelumo.

Craig Gordon markvörður skoska liðsins gagnrýndi reyndar vallarstarfsmenn fyrir að endursýna klúðrið hjá Iwelumo fimm sinnum á risaskjánum við völlinn, sem varð til þess að þögn sló á áhorfendur.

Skotar hafa ekki byrjað vel í riðli okkar Íslendinga og hafa reyndar aðeins unnið íslenska liðið í fyrstu þremur leikjum sínum.