Dæmdur fyrir fíkniefna- og lyfjaakstur

Héraðsdómur Suðurlands hefur sektað karlmann um 250 þúsund krónur og svipt hann ökuleyfi í eitt og hálft ár fyrir ölvunar- og fíkniefnaakstur.

Maðurinn var tekinn í tvígang, annars vegar undir áhrifum áfengis í Reykjavík í fyrra og hins vegar undir áhrifum THC-sýru fyrr á þessu ári. Maðurinn játaði á sig ölvunaraksturinn en neitaði að hafa verið undir áhrifum fíkniefna og ófær um að stjórna ökutæki í síðara tilvikinu. Dómurinn komst hins vegar að því út frá matsgerð að maðurinn hefði verið ófær um að stjórna bílnum og var hann því einnig sakfelldur fyrir síðara brotið.