Erlendum olíustarfsmönnum rænt í Nígeríu

Átta erlendum starfsmönnum á olískipi í Lagos í Nígeríu var rænt í nótt. Það voru vopnaðir menn sem tóku starfsmennina sem eru hvítir. Það þýðir að 16 olíustarfsmönnum hefur verið rænt á svæðinu á síðustu tveimur sólarhringum.

„Þetta gerðist í nótt á milli klukkan eitt og hálf tvö. Það var gerð árás á skipið og átta starfsmönnum var rænt, þetta gerðist í kjölfar skothríðar," sagði Sagir Musa talsmaður hersins á svæðinu.

Talið er að mennirnir starfi fyrir fyrirtæki sem heitir Global Gas and Refining Ltd. Þjóðerni þeirra er ekki vitað sem stendur og gat fyrirtækið ekki gefið frá sér yfirlýsingu strax.