Innlent

Mjög ánægð að fá Paul Ramses aftur

Rosemary Athieno og Fídel Smári.
Rosemary Athieno og Fídel Smári.

Rosemary Athieno, kona Paul Ramses er mjög ánægð að taka eigi umsókn eiginmanns hennar aftur fyrir á Íslandi. „ Ég er mjög, mjög glöð," segir Rosemary sem var nýbúin að heyra fréttirnar frá Katrínu Theódórsdóttur, lögmanni Ramses. Hún var hins vegar ekki enn búin að heyra frá eiginmanni sínum.

„Ég hef saknað Pauls mjög mikið, þannig að ég er mjög þakklát að yfirvöld hafi ákveðið að taka mál hans upp að nýju," segir Rosemary. Hún segir líðan Fídel Smára vera góða en erfitt sé að vera ein í fjarveru eiginmanns síns.

Hún hefur reynt að tala eins mikið við mann sinn og hún geti en segir dýrt að hringja til Ítalíu. „Hann hefur saknað þess mjög mikið að vera á Íslandi," segir Rosemary að lokum.






Tengdar fréttir

Mál Ramses skoðað á ný

Umsókn Pauls Ramses Odour um hæli hér á landi verður tekin til umfjöllunar samkvæmt úrskurði dóms- og kirkjumálaráðuneytisins. Ramses var vísað úr landi í júlí síðastliðnum. Þá kærði hann þá ákvörðun Útlendingastofnunar að hafna því að taka til meðferðar beiðni hans um hæli.

Sjónarmið mannúðar og réttlætis fá að njóta sín

Katrín Theódórsdóttir, lögmaður Paul Ramses, segir fulla ástæðu til að þakka dómsmálaráðherra og öðrum íslenskum stjórnvöldum fyrir að hafa tekið jákvæða ákvörðun í máli flóttamannsins Ramsesar. Hún segir að í meginatriðum sé niðurstaða dómsmálaráðherra í samræmi við óskir sínar þannig að beiðni hans um hæli verður tekin fyrir að nýju.

Mest lesið


Fleiri fréttir

Sjá meira


×

Mest lesið