Fjarðabyggð vann Hauka

Einn leikur var í 1. deild karla í dag. Fjarðabyggð gerði góða ferð í Hafnarfjörðinn og vann 4-2 útisigur á Haukum.

Fjarðabyggð komst með sigrinum upp í áttunda sæti deildarinnar en liðið hefur 15 stig. Haukar eru í fjórða sæti með 21 stig, eru sjö stigum frá öðru sætinu sem gefur sæti í Landsbankadeildinni.

Markahrókurinn Vilberg Jónasson skoraði tvö af mörkum Fjarðabyggðar, það fyrra þegar hann jafnað í 1-1 úr vítaspyrnu í lok fyrri hálfleiks. Sveinbjörn Jónasson og Sigurður Víðisson skoruðu hin mörk Fjarðabyggðar. Úlfar Hrafn Pálsson og Daniel Jones skoruðu fyrir Hauka.