Ronaldo kynntur sem leikmaður Corinthians

Brasilíski sóknarmaðurinn Ronaldo var í dag kynntur opinberlega sem leikmaður Corinthians. Þessi 32 ára leikmaður yfirgaf AC Milan í júní en hann meiddist illa á hné.

„Það hefur margt verið sagt og skrifað um mig en ég er ákveðinn í því að svara á knattspyrnuvellinum," sagði Ronaldo sem skrifaði undir eins árs samning sem færir honum 127 þúsund evrur í mánaðarlaun.

„Ég er leikmaður hér og mun ekki njóta neinna forréttinda. Ég hef verið atvinnumaður síðan ég var 15 ára. Það er gott að vera kominn aftur til Brasilíu, ég hef saknað landsins og fjölskyldu minnar."