Logi: Áttum skilið að vinna

Logi Ólafsson, þjálfari KR, var kampakátur eftir sigur sinna manna á Fjölni í úrslitum bikarkeppni karla í dag, 1-0.

Hann sagðist vera ánægður með uppskeru sumarsins og jafnvel þótt að bikarinn hefði ekki komið í dag.

„Ég var reyndar ánægður með sumarið fyrir þennan leik. Það hefur verið ákveðinn stígandi í okkar leik í sumar og mér fannst þetta vera góður endir á góðu sumri hjá KR."

Hann segir að þetta hafi verið erfiður leikur enda kom sigurmarkið ekki fyrr en í blálokin.

„Mér fannst við þó hafa verið sterkari aðilinn í leiknum og við áttum skilið að vinna hér í dag," sagði Logi áður en hann var dreginn inn í fagnaðarlæti KR-inga.