Innbrotahrina í Árnessýslu

Hrina innbrota í sumarbústaði hefur gengið yfir að undanförnu í Árnessýslu.

Fram kemur í dagbók lögreglunnar að tilkynnt hafi verið um sextán innbrot í sumarbústaði í Árnessýslu og var í tíu tilvikum var einhverju stolið. Flest innbrotin áttu sér stað í Grímsnesi og því næst í Bláskógabyggð.

Í flestum tilfellum hafa þjófarnir á brott með sér flatskjái, áfengi og annað sem er létt að bera og auðvelt að selja. Lögreglan mun á næstunni gefa þessu svæði gaum. Sumarbústaðaeigendur og aðrir eru beðnir um að hafa auga með umferð um sumarbústaðahverfin og tilkynna lögreglu ef þeir verða varir við grunsamlega menn.