37 umferðaróhöpp og 15 afstungur

37 umferðaróhöpp voru tilkynnt til lögreglunnar á höfuðborgarsvæðinu um verslunarmannahelgina. Tvö óhappana má rekja til ölvunaraksturs en athygli vekur að í 15 tilfellum af þessum 37 reyndu ökumenn að stinga af eftir óhappið og segir lögregla það óvenju hátt hlutfall.

Lögreglan á höfuðborgarsvæðinu segir að um verslunarmannahelgina hafi réttindalausir ökumenn komið talsvert við sögu. 15 einstaklingar voru stöðvaðir undir stýri án þess að vera með ökuréttindi víðs vegar um umdæmið. Níu þeirra höfðu verið sviptir ökuleyfi en sex höfðu aldrei öðlast slík réttindi.