Slegist á þorrablótum á höfuðborgarsvæðinu

Mikill erill var hjá lögreglunni á höfuðborgarsvæðinu í nótt líkt og fyrrinótt og voru allar fangageymslur fullar í morgun. Að sögn lögreglu var mikið um pústra og átök í tengslum við þorrablót víða um höfuðborgarsvæðið en engin alvarleg líkamsárás var þó gerð.

Þá eru í hópi þeirra sem gista fangageymslur fjórir einstaklingar sem teknir voru í bíl á Vesturlandsvegi um eittleytið með marijúanavöðlung í fórum sínum. Fólkið verður yfirheyrt síðar í dag. Fjögur umferðaróhöpp urðu svo í hálkunni í nótt, öll án teljandi slysa, en í einu tilviku leikur grunur á ölvunarakstri.

Lögregla segist hafa haft í nógu að snúast alveg fram undir morgun og var nokkuð um hávaðaútköll og heimiliserjur í kjölfar þess að skemmtistöðum var lokað.