Te dregur úr líkum á húðkrabbameini

Rannsóknir sýna að grænt og svart te minnkar hugsanlega líkur á húðkrabbameini. Tveir bollar af grænu eða svörtu tei gætu dregið úr líkum á krabbameini. Þetta eru niðurstöður breskra og bandarískra rannsókna á greindum húðkrabbameinstilfellum árin 1993 til 1995 og 1997 til 2000.

Lífsstíll, mataræði og neysla á grænu og svörtu tei var skoðuð hjá sjúklingum sem þjáðust af húðkrabba og heilbrigðum einstaklingum á aldursbilinu 25 til 74 ára.

Rannsóknirnar leiddu í ljós að þeir sem drukku reglulega te voru í minni hættu á að fá húðkrabbamein og er það rakið til andoxunarefna tesins, sem eiga að hindra myndun krabbameinsfrumna.

Enn fremur er talið að sítrónusneiðar, sem eru vinsælar út í te í Bandaríkjunum, eigi sinn þátt í að ýta undir heilsusamleg áhrif tesins, og því sé gott að setja eina eða tvær sneiðar út í.

Vonast er til að rannsóknirnar varpi frekara ljósi á því hvernig krabbamein þróast. Vísindamenn benda þó á að te sé ekki vörn gegn útfjólubláum geislum sólarinnar. Sólarvörn 15+ komi að góðum notum, en best sé auðvitað að skýla sér fyrir sólinni þegar hún skín skærast.

Frá þessu er greint á bbc. co.uk