Innlent

Flatskjá stolið úr símaveri Glitnis á Ísafirði

MYND/GVA
Brotist var inn í símaver Glitnis á Ísafirði um helgina og þaða stolið flatskjá. Eftir því sem fram kemur í frétt frá lögreglunni á Ísafirði var tilkynnt um innbrotið í gærkvöld en hurð á verslunar- og skrifstofuhúsnæði við Hafnarstræti hafði verið spennt upp.

Þar er húsnæði Héraðsdóms Vestfjarða, Lífeyrissjóðs Vestfirðinga, skrifstofuhótel og loks símaver Glitnis en þangað fór innbrotsþjófurinn eða -þjófarnir og rændu flatskjánum. Lögregla segir ekki ljóst á þessu stigi hvenær innbrotið átti sér stað en það er talið hafa orðið annaðhvort aðfaranótt laugardagsins eða aðfaranótt sunnudagsins.

Hún óskar eftir upplýsingum um grunsamlegar mannaferðir við húsið á þessum tíma og eins öðrum þeim upplýsingum er varða innbrotið.
Lög og regla
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið