Innlent

Fundu kannabisplöntur í húsi í Þykkvabæ

MYND/Guðmundur

Lögreglan á Hvolsvelli lagði aðfaranótt gamlársdags hald á nokkrar plöntur í húsi í Þykkvabæ sem ætla má að séu kannabisplöntur. Eftir því sem kemur fram í tilkynningu frá lögreglunni var um að ræða sameiginlega aðgerð lögreglumanna frá Hvolsvelli og Selfossi en grunsemdir höfðu vaknað eftir að ökumaður bifreiðar var stöðvaður af lögreglu við Selfoss með lítilræði af fíkniefnum í fórum sínum. Hann er einnig grunaður um að hafa verið undir áhrifum vímuefna við aksturinn.

Þetta er í annað sinn á til þess að gera stuttum tíma að kannabisplöntur eru haldlagðar hjá þessum sama einstaklingi og telst málið upplýst að sögn lögreglunnar á Hvolsvelli.

Umdæmi lögreglunnar á Hvolsvelli stækkaði umtalsvert nú um áramótin þegar umdæmi lögreglunnar í Vík færðist undir sameiginlega yfirstjórn Sýslumannsins á Hvolsvelli. Til varð lögreglulið með níu lögreglumönnum og er umdæmi þeirra alls um 15.400 ferkílómetrar að stærð með rúmlega 4.300 íbúa í fimm sveitarfélögum.

Lög og regla
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið