Fjölskyldur HIV smitaðra barna þiggja bætur

Rúmur helmingur fjölskyldna þeirra 426 barna sem smituðust af HIV veirunni í Líbíu fyrir nokkrum árum hefur þegar fengið bætur sem þeim var lofað. Afgangur þeirra fær væntanlega bæturnar í dag.

Búist er við því að bæturnar eigi eftir að liðka fyrir því að hjúkrunarkonurnar fimm frá Búlgaríu og læknirinn frá Palestínu verði látin laus á næstunni. Dómstólaráð Líbíu ætlaði sér að ákveða framtíð þeirra í gær en frestaði ákvörðun sinni til klukkan eitt eftir hádegi að íslenskum tíma í dag.