Barry Smith með tilboð frá Val

Barry Smith stendur til boða að vera áfram hjá Val næstu tvö árin og koma einnig að þjálfarastarfi hjá félaginu.

Þetta staðfesti Ótthar Edvardsson í samtali við Vísi í dag. Sjálfur sagði Smith frá tilboðinu í viðtali við Daily Express í Skotlandi í dag en fréttin var tekin upp á fréttavef BBC.

„Ég hef ekki ákveðið hvað ég mun gera en það næsta skrefið á mínum ferli er að snúa mér að þjálfun,“ sagði Smith.

Valur varð Íslandsmeistari í haust í fyrsta sinn í tuttugu ár. „Það var einkar ánægjulegt að vinna meistaratitilinn á síðasta keppnisdegi tímabilsins. Við áttum í baráttu við liðið sem að sló út Dunfirmline úr Evrópukeppni félagsliða fyrir nokkrum árum - FH úr Hafnarfirði - og þegar tveir leikir voru eftir af mótinu voru þeir með tveggja stiga forystu á okkur.“

„Þá mættum við þeim og unnum þá, 2-0. Í síðasta leiknum unnum við HK, 1-0, og unnum deildina.“ 

Barry Smith er þekktur knattspyrnumaður í Skotlandi enda spilaði hann með Dundee í ellefu ár.