Lof og prís í Danmörku

Einn bókmenntagagnrýnenda danska dagblaðsins Politiken lofsöng rithöfundurinn Hallgrím Helgason í grein sem birtist síðastliðinn laugardag. Gagnrýnandinn May Schack segir um skáldsöguna Höfund Íslands að í skrifum Hallgríms búi gríðarlegur lífskraftur. Enn fremur segir hún Hallgrím ná að fanga aðalpersónu verksins með kaldhæðni sem hittir beint í mark. Skáldsagan kom fyrst út hérlendis árið 2001 og hlaut Hallgrímur Íslensku bókmenntaverðlaunin fyrir hana.

May veltir þó fyrir sér hvaða viðtökur þessi sú lýsing á þjóðskáldinu Laxness hafi fengið hér á landi og virðist óttast að hún hafi ekki fallið í góðan jarðveg. Aðalpersóna skáldsögunnar ber sterk líkindi til Nóbelsskáldsins sem virðist á köflum vera staddur í eigin höfundarverki.

Hallgrímur er helst þekktur fyrir skáldsöguna 101 Reykjavík í Danaveldi, en May segir í gagnrýni sinni Höfund Íslands vera 101 sinni betri. -sun