Innlent

Gæsluvarðhald framlengt í Húsavíkurmálinu

Gæsluvarðhaldsúrskurður yfir manninum, sem stakk karlmann og konu í íbúðarhúsi á Húsavík að kvöldi sjötta þessa mánaðar og skildi konuna eftir í brennandi húsinu, var í gær framlengdur til fimmtánda janúar. Hann á auk þess að gangast undir geðrannsókn. Að sögn lögreglu liggur fyrir að eldur hafi kviknað af mannavöldum en ekki er jafn ljóst hvort það gerðist af ásetningi eða vangá. Játning liggur ekki fyrir.

Konan, sem lögreglumenn björguðu naumlega út úr brennandi húsinu og fluttu á gjörgæsludeild á Akureyri, var um helgina flutt á Landsspítalann í Reykjavík. Karlmaðurinn, sem árásarmaðurinn stakk líka, er á góðum batavegi og löngu kominn af sjúkrahúsi.

Lög og regla
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið