Lögðu hald á um 600 lítra af áfengi í Hafnarfirði

Lögreglan í Hafnarfirði lagði gær hald á um 500 lítra af áfengi í framleiðslu og um 100 lítra af fullframleiddu áfengi í húsleit í iðnaðarhúsnæði í bænum. Einnig var lagt hald á tæki og tól til framleiðslu áfengis.

Einn var handtekinn á staðnum og færður í fangageymslu en hann var yfirheyrður í dag ásamt öðrum sem gaf sig fram. Þeir hafa nú viðurkennt framleiðslu áfengisins og að það hafi verið ætlað til sölu, einkum til ungmenna. Hefur mönnunum nú verið sleppt úr haldi. Við aðgerðina naut lögreglan í Hafnarfirði aðstoðar lögreglunnar í Kópavogi og Tollgæslunnar.