Ásatrúarmenn yfir þúsund talsins

Félagar í Ásatrúarfélaginu voru aðeins tólf talsins við stofnun þess árið 1972. Fyrstu átján árin fjölgað hægt í félaginu og voru félagsmenn innan við hundrað árið 1990. Síðan þá hefur fjöldi þeirra tífaldast. Óttar Ottósson, lögsögumaður samtakanna segir enga einhlíta ástæðu vera fyrir fjölguninni. Hann telur aukinn áhugi á norrænum uppruna Íslendinga og fjölmenningu í þjóðfélaginu þó geta haft nokkur áhrif þar um. Þannig sjái margir að það séu fleiri valkostir en Þjóðkirkjan og sumir þeirra leiti til Ásatrúarfélagsins.

Þó mikið hafi fjölgað í Ásatrúarfélaginu vantar enn nokkuð upp á að konur séu jafn margar körlum. 1990 var aðeins áttundi hver félagi kona en nú eru þær fjórðungur félagsmanna. Óttar vonar að þeim fjölgi áfram og verði alla vega þriðjungur Ásatrúarmanna.