Paletta í viðræðum við Liverpool

Argentínski varnarmaðurinn Gabriel Paletta, sem leikur með liði Banfield í heimalandi sínu sem og yngri liðum Argentínu, er væntanlegur til Liverpool um helgina með það fyrir augum að ganga til liðs við enska félagið í sumar.

Paletta þessi varð heimsmeistari U-20 ára með Argentínu í fyrra og þykir mikið efni. "Paleta mun fara til Englands eftir deildarleik okkar um helgina og vilja forráðamenn Liverpool að hann gangist undir læknisskoðun þar áður en þeir ganga frá kaupum á honum fyrir næsta sumar," segir á vefsíðu Banfield.