Abramovich tengist hugsanlegri morðrannsókn

Glæsiskúta í eigu hins moldríka rússneska eiganda Chelsea, Roman Abramovich, er nú vettvangur hugsanlegrar morðrannsóknar á Nýja Sjálandi. Skútan sem er 150 milljóna dollara virði lá við höfn í Auckland en þaðan hvarf áhafnarmeðlimur hennar þann 16. janúar og fannst látinn í höfninni 5 dögum síðar.

Lögreglan rannsakar nú málið og útilokar ekki morð en hinn látni er sagður hafa verið reyndur sundmaður sem gerir kringumstæður allar enn dularfyllri. Hinn látni hét Wayne Lee og kemur frá Papúa Nýju Gíneu en myndbandsupptökur sýna hann yfirgefa skútuna um miðja nóttina. Abramovich sjálfur var ekki um borð í skútunni á meðan hún lá við höfnina í Auckland.