Íhugaði að yfirgefa Arsenal

Thierry Henry hefur viðurkennt í samtali við franska blaðið L´equipe að hann hafi íhugað að fara frá Arsenal, en hann ákvað fyrir skömmu að vera áfram hjá liðinu og mun undirrita nýjan samning við félagið á næstunni.

"Auðvitað íhugaði ég að fara, en eftir að hafa hugsað málið vandlega, ákvað ég að vera kyrr fyrst og fremst vegna stuðningsmanna liðsins. Ég á enn eftir að skrifa undir nýjan samning við félagið, en ég fullvissa alla um að það er ekki spurning um peninga," sagði Henry.