Lá við slagsmálum á æfingasvæðinu

Stjörnuleikmenn Manchester United, Ruud Van Nistelrooy og Christiano Ronaldo, rifust heiftarlega á æfingu liðsins á mánudag og þurftu liðsfélagar þeirra að skilja þá að. Að sögn var ástæðan fyrir rifrildinu sú að Van Nistelrooy var mjög ósáttur við heimskulega tæklingu Ronaldo í leiknum gegn Manchester City sem kostaði hann rautt spjald. Fúkyrðaflaumurinn á milli þeirra hætti ekki fyrr en liðsfélagarnir tóku í taumana og skildu þá félaga að. Ljóst er að liðsandinn í herbúðum United þarf að lagast ef þeir ætla að ná einhverjum árangri á knattspyrnuvellinum.