Klæðir sig kvenlega

Söngkonan sívinsæla Beyonce Knowles er vel þekkt í tónlistarheiminum sem og tískuheiminum enda keppast allir hönnuðir um að fá hana til að ganga í fötum úr tískuhúsum þeirra. Beyonce er þekkt fyrir kvenlegan vöxt sinn en sá vöxtur er annar en þekkist á tískupöllunum þar sem fatnaðurinn hangir á fyrirsætunum.

Beyonce er stolt af líkama sínum og hikar ekki við að sýna línurnar. Hún er oftast í síðum kjólum sem draga fram mittið á henni og ýkja allar línur til muna.

Hönnuðurinn Valentino er í miklu uppáhaldi hjá söngkonunni og fylla silkikjólar hans fataskáp hennar.

Beyonce er kona sem margir mættu taka sér til fyrirmyndar í klæðaburði enda kann hún að draga fram það besta hjá sér með fatavali sínu.