Chelsea á toppinn

Chelsea vann 2-0 útisigur á nýliðum Sheffield United í dag og skaust þar með á topp ensku úrvalsdeildarinnar. Danny Webber misnotaði vítaspyrnu í fyrri hálfleik og það reyndist heimamönnum dýrt, því Frank Lampard og Michael Ballack tryggðu meisturunum sigur með mörkum sitt hvoru megin við hálfleikinn.

Hilario stóð í marki Chelsea og hann átti ekki í vandræðum með að verja slaka vítaspyrnu Webbers. Frank Lampard jafnaði metin fyrir Chelsea úr aukaspyrnu rétt fyrir lok fyrri hálfleiks og lagði svo upp skallamark fyrir Þjóðverjann knáa í þeim síðari.