Garcia farinn til Þýskalands

Landsliðsmaðurinn Jaliesky Garcia mun ekki leika með íslenska landsliðinu í handbolta á EM í Sviss vegna meiðsla og hefur hann því snúið aftur til Stuttgart í Þýskalandi þar sem lið hans Göppingen er við æfingar.

Forráðamenn íslenska landsliðslins vildu ganga úr skugga um að meiðsli Garcia væru það alvarleg að hann kæmist ekki með á mótið, en aldrei lá í raun fyrir leikheimild fyrir Garcia, því hann hefur aldrei farið af meiðslalista hjá þýska liðinu.

Til greina kemur að Vilhjálmur Halldórsson, leikmaður Skjærn, fylli skarð Garcia á EM, en hann er sem stendur í æfingabúðum með liði sínu á Kanaríeyjum.