Scolari hefur áhyggjur af Ronaldo

Luis Felipe Scolari, landsliðsþjálfari Portúgals hefur áhyggjur af Christiano Ronaldo en leikmaðurinn hefur verið að sýna skapofsa og láta allt og alla fara í taugarnar á sér. Hann lét til sín taka í vináttuleik gegn Luxemborg um helgina þar sem hann tók einn leikmann Luxemborgar hálfstaki eftir að sá hinn sami braut á Ronaldo.

Scolari vonar að leikmaðurinn snjalli sem spilar með Manchester United láti svona vitleysu eiga sig þegar á HM er komið. Hann er einnig hræddur um að andstæðingar eigi eftir að reyna eftir fremsta megni að æsa leikmanninn upp.

"Ég biðst afsökunar á þessu framferði mínu. Ég ætlaði ekki að gera sömu mistök aftur. En þeir spiluðu hart og ég get sýnt ykkur hvernig leggirnir á mér eru eftir þennan leik," sagði Ronaldo.