Sjálfstæðisflokkur samþykkir framboðslista í Reykjavíkurkjördæmum

Framboðslistar Sjálfstæðisflokksins í Reykjavíkurkjördæmi suður og norður voru samþykktir á fundi í fulltrúaráði sjálfstæðisfélaganna í Reykjavík í dag. Geir H. Haarde, forsætisráðherra, verður í 1. sæti á framboðslista Sjálfstæðisflokksins í Reykjavíkurkjördæmi suður og Guðlaugur Þór Þórðarson, alþingismaður, verður í efsta sæti á lista flokksins í Reykjavík norður í alþingiskosningunum í maí á næsta ári.

Björn Bjarnason, dóms- og kirkjumálaráðherra, er í 2. sæti á lista flokksins í Reykjavík suður og Illugi Gunnarsson, hagfræðingur, er í 3. sæti. Ásta Möller, alþingismaður, er í 4. sæti og Birgir Ármannsson, alþingismaður, í 5. sæti.

Í Reykjavík norður er Guðfinna Bjarnadóttir sálfræðingur, í 2. sæti og Pétur Blöndal, alþingismaður, í 3. sæti. Sigurður Kári Kristjánsson, alþingismaður, er í 4. sæti og Sigríður Ásthildur Andersen, lögfræðingur, í 5. sæti.