Federer ætlar að vinna alla stóru titlana

Tenniskappinn Roger Federer, sem um helgina vann opna ástralska meistaramótið í annað sinn á ferlinum, segist ætla að reyna allt sem hann getur til að vinna opna franska meistaramótið og komast þar með í hóp fárra spilara sem hafa verið handhafar allra stóru titlana í einu.

"Ég geri mér grein fyrir því hvað það er mikilvægt fyrir feril minn að vinna opna franska meistaramótið, því ég hef nú unnið alla hina stóru titlana tvisvar, en hef aldrei náð að sigra í Frakklandi. Ég ætla því að reyna að vinna þar því það yrði sannarlega einstakt afrek sem fáir hafa náð," sagði Svisslendingurinn.